قصة بويات من قصص واقعية

الفصل الثالث و الثلاثين ((العين بالعين و السن بالسن!!))
ورد واقفة مع سيف عند باب غرفتهم بالفندق.. تحس روحها بتمووت!! خلاص. تبي تصرخ بأعلى صوتها .. تبي تقوله الي صار.. بس مو قادرة...
سيف ابتسم لها: يلا حياتي.. بريلج اليمين...
دخلت ورد و هي ترتجف .. حيل خايفة من الي منتظرها.. .. مو قادرة تحط عينها بعين سيف..
سيف: مبروك حياتي..
ورد: الـ..الله يبا..رك بحيـ..ياتك!
سيف ابتسم..يكلم روحه: يحليلها.. مستحية...
ورد ما تدري وين تودي ويها... مو قادرة تواجه سيف.. مو قادرة تقوله بلي في خاطرها.. سيف جرب منها.. و حط عينه بعينها..
سيف: ورد احبج!!! انا اسعد واحد بالدنيا!! انتي ما تدرين انا شكثر محظوظ فيج!!!
ورد قلبها قاعد يتقطع من كلامه.. كلماته سجاجين تطعنها.. محظوظ فيها؟؟ آآآآآآه يا سيف لو تدري!!! و هني بدت دموعها تنزل.. سيف ابتسم.. و مسح دموعها..
سيف: جايفة هذول الدموع؟؟ اعتبريهم آخر دموع في حياتج!! ان شاء الله بتنسين الدموع وياي... بتنسين يشلون يصيحون اصلا!!
سيف كان يحاول يخفف عن ورد.. عباله انها خايفة او مرتبكة شوي لانها ليلة عرسهم...ورد ابتسمت ابتسامة خفيفة... سيف ضمها بقوة اكبر.............................................. ...................
و بعد نص ساعة.. ورد تصيح و تشهق من قلب...
ورد: سيف!! تكفه اسمعني!!
سيف حيييييييييييييييييل معصب: جااااااااااااااااااااااااااااااااااااااااااااااااا اااااااااااااااااااااااااااااب!!!!
و عطاها ذاك الطرااااااااااااااااق طاحت على الارض!!!
و فعلا.. كانت على الارض.. كان احد كوابيسها الي تجوفها كل يوم من عقب الليلة المشؤومة...
تذكرون ذيج الليلة المشؤومة بين ورد و حنين؟؟
يا ترا شنو الي صار عقبها؟؟؟ الايام قاعدة تركض بالنسبة لورد.. و عرسها مو باقي عنه الا ايام... و هي في دوامة أعصاب و كوابيس و ما تدري شتسوي!! اما حنين.. فيابرودة حنين.. صج نذلة!! و لا كانها مسوية شي!! و كلمت دلال عااااااادي و قالت لها انها خلاص ما تفكر في ورد الحين الله يوفقها مع سيف!! صج نذالة..
ورد .. خلاص تحس روحها بتموت!! خلاص تبي تنتحر!!!! بس بيني و بينكم تراها جبانة ما تسويها!! المهم.. عقب باجر العرس.. و هي خااااااااااااايفة و ما تدري شتسوي!! هالاسبوعين مروا عليها مثل الكابوس!! حياتها كانت جحيم .. لا ليلها ليل و لا نهارها نهار.. و هي بين دموعها و الامها و احزانها و كوابيسها.. امها عيزت وهي تسالها شفيها!! بس شتقولها؟؟ مسكينة!!.... حتى نواف اخوها.. الكل قاعد يحاول يفهم منها شالسالفة.. بس.. ما في رد.............
قحصت من احلامها.. قصدي كوابيسها على صوت باب حجرتها... كانت ليحين على الارض عقب ما طاحت من على السرير...
ورد و بصوت مبحوح من كثر الصياح: منو؟؟
الام: يمه ورد.. انا امج .. بطلي الباب!
ورد: يمه!! ابوس ايدج تكفين خليني بحالي!!
الام: يمه حبيبتي ما يصير حابسة روحج!! فجي الباب قولي لي شفيج!!!!!!!!!
ورد: ماكو شي!!
الام: يمه كلميني!! قولي لي!! يمه عرسج عقب باجر مو حالة هذي!!
ورد سمعت كلمة عرسج عقب باجر!!! جنها صاروخ على راسها... جسمها ارتعش كانه ضربتها صااااااااعقة!! ايه صح!! عرسها عقب باجر!! و انفجرت في نوبة صياح مأساوي.. امها ما قدرت تسوي أي شي.. غير انها تتصل في سيف.. و تقوله ايي ... ورد حيل تحبه.. و يمكن تغير رايها و تكلمه.. و فعلا.. خلال نص ساعة.. سيف كان قاعد بالصالة..
ام ورد: يمه ورد فجي الباب.. سيف هني يبي يجوفج!!
ورد صادتها قشعريرة اول ما سمعت اسم سيف: سيف؟؟؟؟؟؟؟؟
الام: أي يمه سيف..
ورد كانت مشتاقة لسيف.. ورد كانت صج تحب سيف.... كانت محتارة.. تبي تروح له.. بس بعد ما تبي.. لانها تدري انها بترمي روحها بحضن سيف و بتقوله كل شي.. و ذيك الحزة... الله وحدة العالم.. سيف شنو ممكن يسوي!!!
جدام بارك الجامعة.. قاعد بسيارته... ينتظر.. كل شوي طالع ساعته... بعد شوي.. ياو ثنتين... نزل من سيارته و راح لهم...
سيف: السلام عليكم..
وحدة ردت السلام عادي.. و لكن الثانية.. ردت.. و في عينها نظرة خوف.. لانها عارفته زين...
سيف: دلال و حنين مو جذي؟؟
دلال: وصلت اخوي.. واذا انا مو غلطانة...سيف؟؟
سيف: لا ما غلطتي!!
دلال: هههههههههه
سيف: شخبارج حنين؟
حنين بتحدي: الحمد لله!
دلال: شخبار ورد؟؟ والله انها وحشتني!!
سيف ببراءة: ورد؟ ايه عليها!! الحمد له زينة.. بس والله مشغولة بترتيبات العرس.. تعرفون...العرس باجر
دلال: الله يعينها... انا كل ما اتصل فيها يا مغلق يا ما ترد..
سيف: والله المسكينة ما عندها وقت...
دلال: ايه عليها.....و بروحها بعد اجلت ذي الكورس.. فقمنا ما نجوفها حتى بالجامعة
سيف: أي يعني.. عشان تجهيزات العرس و جذي.. و على الكورس اليديد بتكمل ان شاء الله...
دلال: و انت الله يهداك سيف.. جان اجلت العرس للاجازة؟؟
سيف: ههااااي!! لا يبه ما فيني صبر!!
دلال: ههههههه!! غربل الله بليسك...... اقول .. شباب انا لازم امشي الحين... يلا سيف مع السلامة و سلم لنا على ورد
سيف: يوصل ان شاء الله
حنين: و انا سيف اسمح لي..
سيف: لا حنين ما عليج امر.. بس بغيتج شوي..
حنين استغربت.. شيبي هذا؟؟؟
حنين: خير سيف؟؟
سيف: انا مثل ما عرفت انج وورد كنتو وايد كلوز....
حنين: أي..
سيف: عاد الله يسلمج.. ابي اسوي لها مفاجئة حق باجر... و ابي منج خدمة...
حنين تكلم روحها... عيل ما قالت شي.. هه طلعتي جبانة يا ورد!!! حاضرين!! أي خدمة!!
حنين: آمر سيف.. حاضرين...
سيف: ما يامر عليج ظالم.. انا جهزت بعض الاشياء في الفندق حق ليلة باجر.. يعني حركات... ابي استشارة احد يفهم بهالسوالف...
حنين شقت الحلج : حاضرين!
سيف: تيين وياي؟؟ ما باخذ من وقتج أكثر من نص ساعة..
حنين: أي افا عليك.. عشان ورد.. تامرني انت!!
سيف ابتسم لها... ركب سيارته و حنين لحقته... راحو لفندق 5 نجوم الي اوردي حاجزين فيه سيف و ورد حق عرسهم... سيف خذ حنين للغرفة الي المفروض يقضي فيها اهو وورد ليلة عرسهم...... الغرفة كانت واااااااااااااااااايد فخمة و راقية... حنين كانت مبهورة بالغرفة...
حنين: سيف؟؟ بشنو تبي تستشيرني بالضبط؟؟
سيف صك باب الغرفة... و يسوي روحه ما سمعها...
سيف: أي صح!! نسييييييت!!!
حنين: خير؟
سيف: نسيت اشكرج.. على الهدية!!!!
حنين الي قلبها صار يدق: أي.. هدية؟؟؟
سيف: هدية زواجنا انا وورد!!!
حنين من سمعت الكلمة صخخخت!! و اختفى اللون من ويها!!!! سيف صار يجدم بخطوات بطيئة صوبها.. مع كل خطوة يخطوها لجدام.. حنين كانت ترجع خطوة لورا.. ليما آخر شي وصلت لحافة السرير.. سيف مسكها بقوة من يدها....
سيف: هديتج حلوة.. و الهدية لازم تنرد لاصحابها...
حنين بخوف و هي تطالع يدها: سيف!
سيف مسك يدها الثانية.... و قطها على السرير................

دخلت غرفتها.. تسندت على الباب.. و دموعها تنزل من عيونها انهااااااااااار!!! مو قادرة تصدق الي صار!! اخر شي تذكره عدل لما سيف مسك يدها الثانية بقبضته القوية... و من عقبها كابوس مريع.. تعمدت انها ما تتذكر شي من الي صار.. لانه شي ما يدخل العقل؟؟ شلون سيف سوا جذي؟؟؟
قطت روحها على سريرها و هي تبجي من قلب.. عمرها بحياتها كلها ما بجت مثل اليوم.. تحس بالم رهيب .. تحس راسها بينفجر.. و قلبها بيوقف.. مو قادرة تستوعب الي صار.. تمنت انه يكون كابوس.. و تقعد منه الحين... بس هذا الواقع.. شوي شوي حست بجفون عينها تثقل.. و ما قامت تجوف عدل جدامها.. و بعد شوي.. غطت في سبات عميق مثل ما يقولون.. فقدت الاحساس بكل شي حوالينها.. ..............................
ورد تحس براااااااااااااااااااحة رهيبة!! اهي الحين بالصالون.. و الكوافيرة قاعدة تسوي لها الميكب.. خلال ساعات بتكون في قاعة العرس... و هي ما في شي تحاتيه.. قاعدة تذكر الي صار وياها امس... كانت في غرفتها غارقة بدموعها و همومها كعادته... فجاة.. تسمع صوت واحد يكلمها من ورا الباب..
؟؟: ورد بعد قلبي.. انا سيف.. فجي الباب....
اول ما سمعت حس سيف.. انفجرت .. و قعدت تصيح... لا شعوريا.. فتحت باب غرفتها.. و شافت سيف... قطت روحها بحضنه.. سيف ابتسم.. و قعد يمسح على شعرها و يهديها.. و امها تطالعها بنظرات استغراب و حيرة..
سيف وهو خايف عليها بس يحاول انه ما يبين: بعد قلبي .. لا تسوين في روحج جذي.. و الله ما في شي في كل هالدنيا يسوى دمعة منج!!
ورد:.............................بس تصيح..
سيف التفت على ام ورد... بنفس نظرات الحيرة الي كانت بعيونها.. مو قادرين يفهمون شفيها؟؟
سيف: خالتي.. ما عليه .. تخليني مع ورد شوي؟؟
الام: أي يمه سيف.. اخذ راحتك حبيبي... يمكن تقدر تعرف منها شي؟؟؟؟
سيف دخل ورد دارها .. و قفل الباب... قعدها على السريرو قعد يمها....
سيف: حياتي.. تكفين.. قولي لي المضايقج!!!
ورد و العبرة خانقتها: ماكو شي!
سيف: شلون ماكو شي.. وانا قاعد اجوف الحسرة بعيونج.. دمعتج ما نشفت من اسبوعين.. صايرة شاحبة و هزيلة.. أي عقل ذي الي يصدق انه ماكو شي؟؟؟
ورد انهارت في نوبة بجي ثانية... و سيف ضامها لصدره.. و مو عارف شيسوي... فجأة .. نطقتها.. قالتها بصوت مبحوح....حـ..نيـ.....ـن!!
سيف: شنو؟؟؟
ورد بصوت مبحوح: حنين....
سيف انصدم: شفيها حنين؟؟؟؟
ورد بصوت مرتجف: ا..اعـ...ا..
سيف حيل عصب: شفيها؟؟؟؟ تحجي!!!!!!!!
ورد قامت من حضنه... و لفت ويها الصوب الثاني.. حاسة يبل واقف على صدرها... همووووووووووم و حزن بقلبها.. فكرت.. اهي على الحالتين منتهية... سو .. شبصير لو قالت له؟؟؟
سيف ما فيه صبر: ورد!! ورد تحجي!!!
ورد: حنين ...(انهمرت دموعها)... اعـ..تدت علي!!!!!!!
سيف فجاة وقف!! و ارتعش جسمه كاااااااامل كانه حية قرصته.. حس بنار داخله... انصدددددددددددددم مو عارف شيقول....
سيف و هو حيل معصب: ورد!! انتي شقاعدة تقولين؟؟؟؟؟؟؟؟؟؟؟؟؟؟
ورد و هي بين كل كلمة و كلمة تشهق: هذا الي صار!!! سيف خلاص!! انا انتهيت!!! تعال اذبحني!! تكفه!!! اذبحني و ريحني!!!!
سيف راح ناحيتها......... يحس انه راح يشب ضو عقب شوي!!! ......... مسك ورد من جتوفها....
ورد: سيف.. انا حبيتك من كل قلبي.. بس للاسف طلعت ما استاهل حبك.....
سيف ما خلها تكمل كلامها..... ضمها بقوة لصدره... ورد منصددددددددمه... سيف شقاعد يسوي..
سيف: ورد.. حياتي ..كل هذا بقلبج وانا ما ادري؟؟؟ورد.. ليش؟؟ ليش ما قلتي لي؟؟
ورد بصوت يرتجف: كنت.. كنت خايفة منك...
سيف: ورد انت شقاعدة تقولين؟؟؟ انتي مالج ذنب!!!!
ورد حست بشعور غريب وهي بحضن سيف.. حست برااااااااااااااااااااااااااااااحة... ليحين منصدمة من ردة فعل سيف.. كلللللللللللللللللللللللللللللللللللللللللللللللش ما توقعت ردة فعله!!!!!!!!!!!..
ورد: سيف....
سيف و احلى ابتسامة على شفايفه: عيونه!!
ورد: سيف.. والحين.. شاسوي؟؟؟؟
سيف: الحين.. بتقعدين وتقولين لي السالفة كلها.. و عقب.. ما تحاتين ولا شي.. غير العرس عقب باجر!!
ورد: سيف!! انت شقاعد تقول؟؟؟
سيف: مثل ما سمعتي!!!
قحصت من افكارها على صوت الكوافيرة.. و هي تطلب منها انها تصك عينها.. عشان تخلص لها الميكب.. صكت عينها.. و سؤال نقز في بالها... يا ترا سيف... شراح يسوي؟؟؟؟؟؟؟ او بالاحرى... شسوه؟؟؟

مر اسبوع تقريبا ... ورد سافرت مع سيف يقظون شهر العسل في تركيا.. وورد مو قادرة تصدق الي يصير وياها.. سيف طلع طيب و يحبها.. و تفهم الموضوع.. و لا فتحه معاها .. و لا سألها... ورد تفكر.. صج اني محظوظة بسيف!!! لانه يحبني من كل قلبه... بس.. يا ترا.. اهو شسوا؟ سيف مو من النوع الي يسكت... الله يستر!
اما عند حنين.. فعقب ذاك اليوم.. و عقب الي سواه فيها سيف... فحالتها صايرة مأساوية.. صايرة وايد عصبية.. و ما تستحمل أي شي... تعباااااااااااااانة حدها من التفكير.. و لايعة جبدها من كل شي... و نازلة في هالجقاير.. بس تشفط فيها.. و ما تاكل شي.... و كله يدور راسها...
ام حنين: يمه حنين سمله عليج!!!
حنين حست روحها بتطيح... يودت بالكرسي...
الام: يمه شفتي آخرتها؟؟ تلقين السكر و الضغط الحين منخفضين عندج!!!!
حنين بصوت متقطع: تعـ...با...نة!!
الام: أي.. اكيد بتتعبين دام ما تاكلين شي!!
حنين: انا بروح ارتاح في داري!!
الام: يمه.. تعالي اوديج العيادة.. يعطيج الدكتور شوية مقويات و فيتامينات.. حرام الي تسوينه بروحج!!
حنين: ان شاء الله.. بروح بعدين...
دخلت حنين غرفتها...حست راسها يدور مرة ثانية... و جبدها لايعة...كانت وايد تعبانة... بعد عشر دقايق.. طلعت من غرفتها و معاها سويج سيارتها..
الام: على وين يمه؟؟
حنين: رايحة العيادة..
الام: بروح وياج!!
حنين: وين تروحين وياي.. ياهل انا؟
الام: لا يمه.. عشان اتطمن!!
حنين: يا معودة قعدي هني!! نص ساعة و راجعة.. و ما فيني شي!!
طلعت حنين.. و راحت العيادة.. بس ما رجعت لبيتها.. توجهت لبيت دلال...
دلال مسكتها من قميصها: شنووووووووووووووووووووووووووو؟؟
حنين نزلت راسها بحسرة و قهر: مثل ما سمعتي!!
دلال: انزين.. انتي شدراج؟؟
حنين: عرفت!!
دلال: رحتي المستشفى؟
حنين: توني ياية من العيادة!
دلال: امبييييييييييييييييييييه حنين شراح تسوين؟؟؟؟
حنين: ما ادري يا دلال ما ادري!!!!................ وهني .. انهارت حنين و نزلت دموعها!
دلال: لا حول ولا قوة الا بالله!! انزين حنين.. انتي متاكدة ؟؟ يمكن تكونين تعبانة؟؟ ماخذة برد؟؟
حنين و هي تصيح: دلول تكفين!! الممرضة سوت لي تحليل و قالت لي.. مبروك!! انتي حامل!!! أي برد.. و أي تعبانة!!!! دلال خلاص انا ضعت!!!!
دلال: حنين انا مو قادرة اصدق انج سويتي جذي؟؟؟ انزين منو؟؟
حنين بقهر:سيف..
دلال عيونها صارو 4: منووووووووووووو؟؟؟
حنين بحسرة: آآآآآآآآه يا دلال! انتي ما تدرين عن شي!
دلال: خير حنين؟؟ شصاير؟
حنين قالت لدلال عن كل شي .. من ذيج الليلة في بيت ورد.. لي ذاك اليوم مع سيف.. دلال منصدمة من حنين.. من كل كلمة قاعدة تقولها... شلون سوت جذي؟؟؟؟؟؟؟؟
دلال: حنين انتي لازم تكلمين سيف!!!
حنين: من صجج؟؟؟ مستحيل!! اكلمه.. و اترجاه؟؟ اكون ضعيفة جدامه؟؟ مستحيل!!!!!
دلال: عيل شراح تسوين؟؟ حنين اذا هلج درو بيذبحونج!!!!
حنين: ما راح يدرون!!
ووقفت حنين.. و عيونها كلها تحدي....
دلال بتردد: حنين... شراح تسوين؟؟؟
حنين: بتصرف!!!

الفصل الرابع و الثلاثين ((سبحان مغير الأحوال!!))
بعد ايام..والساعة عشر باليل... دلال كانت بدارها.. تفكر بالدنيا.. تفكر في حالها.. و حال شلتها و حال البنات الي تعرفهم....شلون تشتتو و ضاعو.. مصايب وايد صارت.. انتحار روعة ...بعدين فجر.. و نهايتها المأساوية.. و اختفاء وله.. عقب ذيج الليلة... ونورة و مرضها.. و نهاية سارة في مستشفى الامراض العقلية و الخلل و الاضطراب النفسي الي تعرضت له.... عقب حنين و الي سوته بورد.. و مصيبة حنين الي اهي فيها الحين؟؟ دلال تفكر.. تكلم روحها.. انا لازم اطلع روحي من هذا كله.. انا لازم ابتعد عن درب الضياع هذا.. ما بي نهاية مأساوية نفس نهاية فجر او نورة.. و لا ابي يصير فيني نفس ورد و حنين.. خلاص القرار الي انا اتخذته صح مليون بالمية.. و بواصل بالدرب اليديد و ما بتراجع....دلال طلعت من دارها... راحت لدار خالد... طقت الباب...
خالد: منو؟؟
دلال: انا..
خالد: دشي دلول...
دلال: .............................................
خالد: خير دلال؟؟
دلال: ممممممممم..
خالد: في شي؟؟
دلال: لا بس ضايق خلقي...
خالد: افااااااااا......هههههههههه دلوله حياتي ضايق خلقها؟؟؟ لا لا ما يصير!!!!!!!
دلال: يؤ يؤ يؤ بصدق روحي عقب شوي!
خالد: ههههههههههه... صدقي يالدبة صدقي!! من لي في الدنيا غير أخوانـ.....
سكت خالد و نزل راسه... إخوانه؟؟ آآآآآه فيصل خلاص راح...
دلال الي حاسه باخوها و بشنو يفكر: الله يرحمه...
خالد التفت عليها.. مستغرب شوي: آآآآمين...
و صار صمت لمدة مو قصيرة و كل واحد فيهم غرقان في عالمه الخاص.. عالمه الي أكيد فيصل كان جزء منه... مرت فترة طويلة على وفاة فيصل... بس فيصل ليحين حي بقلوبهم...
دلال: خالد؟؟
خالد الي كان في عالم ثاني و تخرع شوي: هلا!!
دلال بضحكة هادية: هههههه خلود علامك؟؟
خالد ابتسم : هههه ولا شي بس كنت سرحان شوي..
دلال ابتسمت و ظلت ساكتة... خالد قاعد يتأمل ملامح دلال.. دلال وااااااااايد متغيرة ملامح ويها... القسوة الي كانت فيها تلاشت.. ملامحة صايرة بريئة... بصراحة.. يبي يقولها بس منصدم من روحه.. دلال صايرة كيوت!!!!
دلال ابتسمت باستغراب: خلود.. علامك تطالعني جذي؟؟
خالد الي انتبه على روحه: هههههههه.. و لا شي..بس محلوة يالدبة!!!
دلال حست باحسااس غريييييييب!! آخر مرة حسته من سنيييييييين... تذكرون ذاك اليوم الي حب فيصل فيه راسه.. ذيك الرعشة؟؟ دلال حست فيها مرة ثانية... لكن هالمرة.. ما شردت من الغرفة نفس ما سوت.. بس ابتسمت..
دلال بحيا: ثنكس....
خالد الي انصدم من رد اخته (البنوتي!) ما توقع ابدا.. دلول الدفشة!! لا لا مستحيل اصدق انه هذي دلال الي جدامي!!
دلال ابتسمت لخالد.. ابتسامة عذبة.. دلال فعلا متغيرة.. و فعلا صايرة كيوتة.. صحيح ما تغيرت تماما.. لانه هذا شي مستحيل يصير في ايام .. ليحين مشيتها و ووقفتها (مأسااااااة) حتى طريقة كلامها ليحين في لمسة دفشة.. بس هي تحاول جااااهدة انها تقصر صوتها و تتكلم برقة أكثر.. فعلا دلال قاعدة تبذل مجهود كبير.. و خالد توه ملاحظ هالشي.. و خصوصا وجه دلال.. الي دايما كان يتميز بنظرتها الخطيرة.. ذيج النظرة القاسية الي تكون دايما رافعة فيها حاجبها (كانه مشير الاخو فوق هههههه) بس هالمرة.. ملامح ويها أهدى من قبل.. و ابتسامتها عذبة... دلال اقطعت عليه افكاره..
دلال بحيا ممزوج بالغرور: وييييييه لوعت جبدي خلود.. شفيك اتمنظر فيني؟!؟!؟!
خالد برد صددددم دلال: انتي قلتيلي من قبل انج تغيرتي.. بس توني تأكدت من هالشي!!
دلال ابتسمت و نزلت راسها... خالد فكر.. أسألها الحين؟؟ لا لا خليها بعد جم يوم..
خالد: دلال.. يصير اسالج سؤال؟؟
دلال خافت من سؤال خالد:خير؟
خالد: يصير اعرف شنو الي غيرج؟
دلال ابتسمت: ببساطة.. عاهدت ربي!
خالد: شنو؟
دلال قعدت على طرف السرير و قعدت تطالع في الارض..
دلال: خالد.. انا حاولت قبل هالمرة اني اتغير... بس ما قدرت.. رجعت ضعفت..ما اعرف ليش.. بعد ماكنت مقررة اني اشيل هذا الموضوع من بالي.. خلاص.. و انسى كل شي و أبدى حياة يديدة.. كنت بدار فيصل .. شفت هدومه.. ضعفت.. حسيت انه انا لازم آخذ مكان فيصل عشانكم..
خالد قاطعها: دلال انتي شقاعدة تقولين؟!؟!
دلال: خالد خليني أكمل كلامي!
خالد خلا دلال تكمل كلامه.. كان مستمتع وهو يسمعها تتكلم بكل هدوء و نعومة.. اول مرة يحس انه دلال بنية...
دلال: صحيح انا فكرت جذي.. بس انا كنت غلطانة.. انا اذا ابي اعوض مكان فيصل.. لازم اعوضه بدلال.. لازم أكون دلال تفتخرون فيها.. مو اتخلى عن دلال و اتقمص دور مو لي.. و مو انا.. و مو الي رب العالمين خلقني عليه... و عشان جذيه انا عاهدت ربي اني اتغير.. ولا يمكن اخلف بعهدي!!
خالد الي تأثر من كلام دلال و نزلت دمعة من عينه...
دلال: خالد!! انتي تبجي؟؟
خالد ابتسم: لا دلول.. هذي دموع الفرح!!!!
دلال ابتسمت.. خالد حس انها بتقول شي ثاني.. بس دلال ظلت ساكته...
خالد: دلال.. تأكدي اني دايما بكون يمج... و بساعدج!!! و عمري ما راح أتخلى عنج!!
دلال ابتسمت...
خالد: دلول.. تذكرين قبل سنتين أو حتى يمكن ثلاث... لما فيصل حب راسج ...و شردتي؟؟!؟!
دلال طلعت منها ضحكة خجولة: أي أذكر......
خالد: اذا حبيت راسج الحين... بتشردين؟؟؟
دلال ما ردت عليه بس ابتسمت... قام خالد و ضمها و حب راسها.. دلال كانت ترتعش.. بس لما حست انها بحضن أخوها.. حست بهدوء رهيب.. و طمأنينة كبيرة... بس بسرعة قامت من حضنه و ركضت ناحية الباب..
خالد: ههههههه انا عبالي سكوتج يعني لا ما بتشردين...
دلال التفتت على خالد و ابتسمت..
دلال: السكوت علامة الرضا...
خالد استغرب.. ما فهم قصد دلال...و طالعها و بعيون كلها حيرة...
دلال صار ويها أحمر.. و لفت راسها: انا موافقة على خليفة...
و طلعت ركيييييييييض من الغرفة....
خالد ليحين بغرفته منصدددددم من دلال...
خالد: شنوووووووو؟؟؟ من صجها هذي!!!! سبحان مغير الأحوال! الحمد لله يا رب!! الحمد لله! دلال تغيرت!! دلال تغيرت!!!
خالد قام طلع من داره.. و لحق دلال ..
(طق – طق – طق )
دلال ارتعشت من طقات الباب..
دلال بصوت مرتعش: منو؟
خالد: يزعم ما تدرين؟!؟
دلال و بابتسامة حلوة تحاول تخفيها و تتكلم جد: خير؟؟ ابي ارقد شعندك؟؟
خالد يكتم ضحكته: يعني ما بتفتحين؟؟
دلال: ها؟؟ امبلا بفتح!!
دلال تكلم روحها.. الكرييييييه!! عارف اني منحرجة حدي!!! اوريه الحمار!! و رفعت الحاجب و فتحت الباب..
دلال: أمر!!
خالد انصدم من شكل دلال.. توها كانت كيوت: ها؟؟ ما يامر عليج ظالم!!
دلال: شتبي؟؟
خالد: ويه دلول علامج؟؟
دلال: ما كو شي!!
خالد: ههههههههه دبة كل ذي معصبة لاني لحقتج؟؟
دلال: أي!! انا أدري ليش لحقتني!!
خالد يقهر دلال: ههههههههههه دبة.. بس ابي اسالج شقلتي قبل ما تطلعين.. كنت سرحان و ما سمعتج.. كانج قلتي شي؟؟
دلال انصدمت من خالد.. بس ما بينت و قالت ببرود و بنص عين: و لا شي.. قلت لك تصبح على خير بروح أنام...
خالد تفاجأ من ردها و ضحك بينه و بين نفسه: ها؟؟ اها.. عبالي قلتي شي مهم.. اوكي.. و انتي من اهله..
دلال لفت تبي ترد تدخل غرفتها.....
خالد: دلول...

دلال التفتت عليه: هلا!
خالد حبها على راسها و قال لها..
خالد: مبروك يالدبة!
دلال ابتسمت و دخلت دارها.. اما خالد راح ركيييييييييض على داره.. و خذ تلفونه و دق على خليفة..
عند خليفة...
خليفة منبطح على سريره.. و عاقد حواجبه و يفكر.. يبين عليه انه معصب...خليفة يكلم روحه..
خليفة: خلاص.. أنا قررت و لا يمكن اتراجع عن قراري!!
فجأة رن تلفونه.. لما جاف ( خالد..يتصل بك) قلبه نغزه..
خليفة: وليييييييه.. مو وقته!! انا ليحين ما رتبت كلامي!! شا سوي الحين؟؟ ارد لو ما ارد؟؟؟
وهو يفكر.. ضغط بالغلط على الحبه الي ترد... قعد يسب و يلعن في روحه.. خلاص الحين لازم يكلم خالد..
خليفة: الو
خالد: مالت عيك وعلى ويهك ما بغيت ترد؟؟
خليفة: ههههههه سوري بو وليد.. بس كان على السايلنت و ما انتبهت له و اهو يرن!
خالد: هههههههههه.. مسموح يبه! إلا بقولك خلوف.. عندي لك خبر.. بمليوووووووووووون دينار!!
خليفة الي نغزه قلبه: ها؟؟ خـ..خبر؟؟ خير ان شاء الله؟؟
خالد: هههههههه ويه سمله عليك!! الحين انا قلت لك عندي خبر و صار فيك جذي.. عيل لما اقولك الخبر شنو راح تسوي؟؟
خليفة ارتبك... خالد كمل كلامه...
خالد: خليفة دلول موافقه مبدئيا ... و تقدر تفاتح اهلك بالموضوع...
خليفة ما سمع شي بعد كلمة موافقه... وافقت!! شاسوي الحين!! و انا كنت مقرر اتراجع خلاص!! شاقول حق خالد الحين.. اقوله خلاص ما ابي اختك؟؟ اكيد خالد بيزعل مني!! خالد رفيج عمري.. و عمره ما قصر معاي.. وقف معاي باصعب الاوقات... اقوله خلاص ما ابي اختك؟؟؟ خالد الي وثق فيني.. و امن لي.. خلاني اقعد مع دلال.. عشان اتقرب منها.. قبل ما يصير بينا أي شي.. عطاني فرصة أكلمها.. لانه واثق فيني.. و اني رفيجه و عمري ما راح اخونه!!! شاقوله الحين؟؟ معقولة يزعل؟؟ او انه بيتفهم موقفي؟؟ هذا زواج.. حياة طول العمر!! مو يوم ولا ثنين...
خالد: هوووووووووووووووووووووو خليفة!!! وينك يبه!! صار فيك شي؟!؟!؟!
خليفة: ها؟؟
خالد: سمله عليك خلوف!! شصار فيك يبه؟!؟!؟ وين رحت!!!
خليفة الي يحاول يمثل على خالد: ها؟ لا بس.. من الصدمة!!!أقصد من الفرحة!!!
خالد الي حس انه خليفة فيه شي: خير خليفة؟؟ شفيك؟؟
خليفة و قاعد يلوم نفسه من صجه يجذب على خالد: ها.. لا بس.. ما اعرف خلود مشاعري متلخبطة ما ادري شاقول؟؟
خالد: ههههههههههههههههههههه هذا وانته الريال.. عيل دلول المسكينة شتقول؟؟؟
خليفة: انزين خلود.. مشكور على هذا الخبر الحلو!!! بروح اكلم الاهل انا!!
خالد: هههههه الحين؟؟ الساعة تقريبا 12!!
خليفة: مو مهم!!
خالد: ههههههه اوكي عيل.. في امان الله!!
خليفة: في حفظه!!
و سكر خليفة التلفون... و الحسرة بتاكل قلبه...... الحين انا اذا تزوجت اخته و انا ما ابيها.. بظلمها معاي.. و بجذي بخون رفيجي... و اذا تراجعت بجرحها.. و بجرح رفيجي الي وثق فيني!! يا ربي شاسوي؟!؟!يا ربي اموت و ارتاح من هالعذاب!!! يا ربي ريحنييييييييييييييييييييييي!!!!!!

اليوم موعد دلال في المستشفى.. الموعد الي بتظهر فيه نتيجة التحاليل.. قامت دلال مرتاحة.. لانها قبل لا تنام قررت قرار حلو.. قرار أكيد بيسعد خالد.. و بيسعد الكل.. و كانت تفكر.. يا ترا .. الموضوع بيسعد خليفة؟
قامت متأخرة لانها امس ظلت سهرانة وايد مع خالد.. و بعد ما خالد نام ... هي ظلت قاعدة للصبح.....كانت الساعة أربع العصر... خذت شاور.. و صلت صلاتها.. وعقب صلت ركعتين زيادة... كانت وايد فرحانة.. و تحس براحة غريبة... فتحت كبتها.. عشان تلبس هدومها..
خالد طلع من غرفته... و طالع الساعة..
خالد: معقولة ليحين نايمة؟؟؟ لازم نروح المستشفى الحين!
راح و طق باب غرفتها...
دلال: نعم؟؟
خالد: دلول؟؟ يلا !! الساعة اربع!!
دلال كانت واقفة تطالع روحها بالمنظرة و اهي مبتسمة.. قالت لخالد...
دلال: يلا اكاني ييت!
خالد ينزل على الدري.. الا يجوف خدامتهم جدامه...
خالد: تيتا ماما وين؟؟
تيتا: ما مو هني.. ماما في يتلع.....
خالد: انزين انزين....
و كمل الدري و هو يفكر.. امه وين راحت.. المفروض انها تروح وياهم المستشفى... على كل حال.. الحجي ذي كله ما منه فايدة... الله يستر من نتيجة التحاليل..حس انه في أحد وراه.. التفت الا جاف دلال.. انصدددددددددددددددددددددم من كل قلبه.. كل خلية من خلايا جسمه انصدمت و ظل صااااااااااااااااااخ... دلال ابتسمت..
دلال: لا يكون مو عاجبك؟؟
خالد: لا لا.... صايرة قمر...
ضحكت دلال و نزلت بقية الدري ووصلت عند خالد الي كان واقف عند اول عتبة... خالد ضمها بقوة..
خالد: كبرتي بعيني والله...
دلال ابتسمت و التفت على المنظرة الي يمها على الطوفة... عدلت شيلتها و طلعت مع خالد.............
خالد:شنووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووووووو؟؟؟؟
دلال شهقت و حطت يدها على حلجها مو قادرة تتكلم.... الدكتور نزل راسه.....
خالد: لا دكتور!!! تكفه!!! قول غير هالكلام!!!!
الدكتور: يا خالد.. هدي روحك!!! خليني أكمل كلامي!!
خالد: شنو تكمل؟؟؟ تبيني أخليك تقولها!! تقولي اني بفقدها!!!
الدكتور: خالد اسمعني!! شنو تفقد اختك؟؟ سمله عليها!!! يا خالد الورم توه ببدايته والامل بالعلاج وايد كبير!!! خلي ايمانك بالله قوي!!!
خالد: لا..لا.. مستحيل!! مستحيل!!!........و نزل راسه..
دلال ليحينها ساكتة.. قامت بكل هدوء و راحت لعند خالد.. و قعدت على ركبها جدامه..رفعت راسه...
دلال بهدوء عجيب خله جسمه يرتعش: خالد حبيبي!! تكفه!! لا تسوي في روحك جذي... خالد..انا..انا مو زعلانة.. خالد هذا الي انا ابيه!! خالد هذا ابتلاء من رب العالمين عشان يختبر قوتي.. خالد الله يحبني!! الله يبي يطهرني من ذنوبي!!!
خالد مستغرب من دلال و من ردة فعلها.. اما الدكتور فكان يطالع دلال باعجاب شديد.. معجب بقوة ايمانها.. و متأكد انه هذا الشي بيساعد بشكل كبير على علاجها....

الوضع مأساااااااااااااااااااااااااااااوي في بيت دلال.. امها حابسه روحها بدارها.. مو متخيله انها ممكن تفقد ولد ثاني.. رب العالمين عطاها نعمة العيال.. بس اهي ما كانت عارفة قيمة هذي النعمة.. و ما اهتمت فيها.. والحين الله قاعد يجازيها.. و ياخذ عيالها واحد ورا الثاني.............
و ابو دلال حالته ما كانت أحسن من حالة امها.. عاف الدنيا والي فيها.. و عاف شغله و شركته الي كانت كل شي بحياته... و مو راضي يطلع من البيت و لا يروح الشغل... بس قاعد على كرسي بالصالة و ماهو في هالدنيا.. يفكر في بنته.. الي كانت أحلى شي بحياته.. كان يبي يفرح فيها و يشوف عيالها... رب العالمين حرمه من فيصل.. و الحين بيحرمه من دلال... آآآآآآآآآآآآآه يا ربي!!
أما خالد.. فتأثر وايد.. بالي قاعد يصير بالاول فيصل و الحين دلال اخته..و الي معور قلبه أكثر خليفة رفيجه... ما يصير الحين يخطب دلال.. اهو ما له ذنب.. خالد صايرغير خالد الي يعرفونه... صاير شبح خالد.. هزيل و كئيب.. خالد وايد حساس و الصدمة مو شوية عليه...اخوه فيصل ما صار له سنة متوفي... و احين الدكاترة يقولون انه دلال عندها ورم بالدماغ... خالد حاس رسه بينفجر من الي يسمعه...
دلال.. دلال قاعدة بدارها..تفكر بالي قاعد يصير.. ارسمت بسمة على ويها.. الحمد لله .. هذا دليل على انه رب العالمين يبي يسامحني!! احمدك واشكرك يا رب!!! الحمد لله!! الحين خلاص.. بعيش الايام الي بقت لي و انا مرتاحة انه رب العالمين قاعد يغفر لي ذنوبي... بس في شي واحد مهم.. خليفة.. خلاص... لازم خليفة يروح لحال سبيله.. حرام يظل مع وحدة مريضة.. الله يهنيه و يسعده مع وحدة تستاهله... امي وابوي.. و خالد.. لمتى بيظلون على هالحال.. انا لازم اطلعهم من الي اهمه فيه... حشا صار لهم اسبوع على هالحال.. ما يصير جذي... انا مو زعلانة اهمه على شنو زعلانين؟؟؟؟
طلعت دلال من غرفتها... شافت ابوها يفتح باب غرفته.. يبي يدخل.. و خالد يركب الدري... ما انتبهو لها.. كل واحد فيهم غرقان بعالمه...
دلال: يبه!! خالد!!
انتبهو لوجود دلال.. خالد طالعها بحزن.. اما الابو طالعها بنظرات كلها حسرة على بنته...
دلال: ابي اكلمكم....
الابو: خير يبه.. قولي...
دلال: لا تعالو لعند امي... ابيها تسمعني اهي بعد!!!

ثاني يوم....................................
خليفة: شنووووووووووووو؟؟
خالد: هدي روحك خليفة و اسمعني!!
خليفة و بصوت حزين و يقاوم دمعة تبي تشرد من عينه: انت متأكد من الكلام الي قاعد تقوله؟؟
خالد: أي يا خليفه.. قبل اسبوع قال لنا الدكتور هالكلام... و دلال امس قالت لي اكلمك..
خليفة يحس روحه بدواااااااااااااااااامه!! شلون جذي؟؟ دلال مريضة!! دلال بتموت!! لا مستحيل!! مستحيل يتخلى عنها الحين!! لازم يوقف يمها.. لما عرف انها مريضة يتركها؟؟ لا لا هذا مو من طبايع خليفة و لا اخلاقه الي تربا عليها!!!
خالد: خليفة وين رحت؟؟
خليفة: خالد اسمعني... دلال خطيبتي.. وراح نتزوج!!!.. و موضوع المرض ذي كله انا ما لي شغل في!!!
خالد: بس يا خليفة!! انت مالك ذنب!!
خليفة: خالد الله يهداك.. ذنب شنو؟؟ شالي قاعد تقوله؟؟؟ انا احب دلال.. و طلبتها منك.. وما في أي قوة في العالم كله بتبعدني عنها... بوقف معاها بمرضها.. و انا متفائل انه رب العالمين بيشفيها...
خالد: بس....
خليفة: بس شنو؟؟؟
خالد: دلال ماراح ترضا... و اهي الي طلبت مني اقولك انه خلاص...
خليفة: معليه.. دلال خليها علي.. انا بكلمها!!
خالد: بس...
خليفة: لا بس ولا شي.. ممكن اكلمها يا خالد؟؟؟
خالد طالع عيون خليفة الي تترجاه... فنزل راسه و قال...
خالد: اوكي.. خلاص.. بناديها لك....
راح خالد ينادي دلال .. و خليفة يفكر.... يالله هالدنيا.. شلون ظلمته و ظلمت دلال وياه... الحين اهوكان بيتركها... بس الظروف قاعدة تجبره انه يتمسك فيها.. مسكينة دلال والله ما تستاهل.. حس انه من واجبه يسعد دلال ... يمكن تكون هذي آخر ايامها.. ويييييييه شفيه قاعد يفاول على البنت!!! يا ترا شلون حياته بتكون معاها؟؟؟ هل ممكن يرجع يحبها مثل الاول؟؟ اهو من بعد ذاك اليوم بالمطعم..ما ادري شنو الي صار فيه؟؟ تغيرت فكرته عنها... شيسوي؟؟
اما عند دلال...
خالد: والله مو راضي.. و يقول انه متمسك فيج اكثر من قبل!!
دلال: افففففففف!! شيبي هذا؟؟ من صجه؟؟ خلاص انا بروحله....
و طلعت دلال من غرفتها عشان تروح لخليفة.. خالد ابتسم لها..
خالد: دلال ما نسيتي شي؟؟
دلال: ها؟؟ شنو؟؟ ويييييييييي!! هههههههههه!!
دلال راحت جذيه و نست انها تحجبت..و خصوصا انه خليفة ليحين ما ملج عليها.. بس خطوبة.. قامت بسرعة لبست عبايتها و لفت شيلتها و راحت مع خالد لخليفة...
دلال متوترة شوي من ردة فعل خليفة: السلام عليكم..
خليفة رفع راسه: وعليـ....كم السلام!!!
خليفة متفاجئ من دلال انها تحجبت... خالد ابتسم له... وهو بعد ابتسم..
لما دلال شافت ابتسامة خليفة ارتاحت شوي... قعدت على الكرسي الي جدامه...
دلال: شخبارك خليفة؟
خليفة وهو مبتسم: الحمد لله انت شخبارج؟ و مبروك الحجاب.. طالعة قمر والله!!.. بس من متى؟؟
خالد: ههههههه جفت شلون؟؟ صار لها أكثر من اسبوع متحجبة.. و انت آخر من يعلم!!
خليفة يكلم روحه: يعني قبل ما تعرف عن مرضها؟؟ وااااااايد حلو.. يعني حجابها كان برغبة صادقة.. و هي كانت بتتحجب سواء كانت مريضة او لا..... يااااااااالله شكثر كبرتي بعيني يا دلال.. انا مستحيل اتخلى عنج!!! لو شي يصير...!!! انا ........ انا....احبج!
خالد: انزين.. بخليكم شوي انا....
و خلاهم خالد قاعدين بالصالة................
دلال قاعدة تطالع خليفة.. و قلبها يدق.. مو عارفة ليش.. بس قلبها مو مطاوعها تقوله خلاص.. انسى كل شي وجوف حياتك.. كانت تحس بشعور غريب داخلها.. مو قادرة تفسره... اما خليفة.. فكان مبتسم ابتسامة ساااااااحرة.. ابتسامة ذوبت دلال...
خليفة: سمعيني دلال.............................................. ...........

الفصل الخامس و الثلاثين ((وللدرب نهاية..))
تتوقعون شنو الي صار؟؟ بكل بساطة.. خليفة اصر انه يواصل اهو ودلال .. و رفض انه يتخلى عنها.. دلال كبرت بعينه اكثر.. و فعلا حاس انها تغيرت.. اهو اصلا ما يدري انها كانت بوية قبل.. و لكن حس انها تغيرت الى شي احسن.. دلال اعجبت وايد بخليفة.. و كبر بعينها اكثر لما اصر انهم يتزوجون.. عقلها كان رافض هذي الشي .. لانه خليفة ماله ذنب يتعذب معاها.. بس قلبها.. قلبها خليفة ملكه.. أي نعم دلال حبت خليفة من كل قلبها.. و تمنت انها تقضي آخر لحظات حياتها معاه.. حست انه هذا الشي من حقها.. انها تعيش هذي مشاعر .. ولو لايام من حياتها.. بس عقلها كان يقول انه مو من حقها تعذب خليفة معاها.. و يعتبر هذا الشي انانية.....بس كان قلبها هالمرة أقوى من عقلها............................................

ثلاث سنين مرت على أحداث قصتنا... من يوم زواج دلال و خليفة... لغاية اليوم... و طبعا قبل الزواج خليفة ما قال لاهله شي عن مرضها.. و خبرهم بعد زواجهم بشهرين.... كانت رحلة عذاب بالنسبة لدلال.. مرض و الم و تعب... و خليفة ما فارقها ولاللحظة من لحظات حياتها.. و كان على طول يمها.. و في اصعب لحظات مرضها...
دلال بالمستشفى الحين.. بغرفتها الي صار لها أكثر من أسبوعين ما طلعت منها.. دلال كانت وايد تعبانة... فتحت عينها.. شافت خليفة قاعد على الكرسي يقرا قران....
دلال بصوت تعبان: خليفة....
خليفة بس سمع صوت دلال نقز من مكانه.. و قعد يمها على السرير..
خليفة: عيونه!!
دلال: من متى و انا نايمة؟
خليفة: هههههههه... ما ادري.. صار لج تقريبا مممممممم 5 ساعات...
دلال: احس روحي صار لي ايام راقدة..
خليفة: هذا من التعب حياتي...
دلال ابتسمت ابتسامة باهتة.. مسكينة كان واضح عليها تعب المرض....
خليفة: خلاص حياتي.. هانت... عقب شوي بيي الدكتور و بيعطينا نتايج الفحوصات.. و هالمرة انا وااااااايد متفائل....
دلال: لا تفائل وايد.. قبل شهرين كنا وايد متفائلين.. و ما كان تفاؤلنا في محله!!
خليفة: حياتي تكفين لا تقولين جذي!!! انا هالمرة حاس بشعور غير.. حاس انج خلاص شفيتي!!!
دلال: ان شاء الله.........
و صار صمت لفترة قصيرة.. خليفة يدعي من كل قلبه.. انه هالمرة الدكتور يطمنهم.. انه دلال خلاص تعالجت... و شفت من مرضها... ودلال.. تفكر.. شكثر محظوظة بخليفة.. و شلون رب العالمين عوضها.. هي بعد ما تزوجت بشهرين.. بدت رحلة العلاج الطووووووويلة و طول الوقت و خليفة يمها.. و كل يوم تحبه أكثر و أكثر..و تزيد معزته بقلبها.. كانت تدعي ربها انها تعيش عشان خليفة بس.. ما كان يهمها شي في الدنيا الا خليفة و بس .. تفكر.. شلون ممكن تسعد خليفة ؟؟؟
دلال قطعت الصمت: خليفة...
خليفة: هلا حياتي...
دلال صكت عينها.. و بدت تتكلم و التعب باين عليها...
دلال: خليفة.. انت.. ندمت لانك تزوجتني؟؟
خليفة انصدم من سؤال دلال: دلال!! انتي شقاعدة تقولين؟؟؟؟
دلال: خليفة انا احبك!! حيييييييل أحبك!! و انت احلى شي صار لي بحياتي.. و ابي اسعدك ... ابيك تكون مرتاح و سعيد و ما في شي ينغص عليك حياتك... كان حلم حياتي اني اقدر اييب لك عيال .. يملون عليك حياتك.. بس..
خليفة.. و بعيون مليانة دموع: دلاااااااااال!! تكفين!! بس لا تكملين!! دلال انا احبج... وانا اسعد انسان على وجه الكرة الارضية.. انتي ما تخيلين انا شكثر سعيد.. بكل لحظة اقضيها يمج.. بكل دقيقة و كل ثانية... جايفة لمسة يدج هذي (كان ماسك يدها) تسوى الدنيا و ما فيها بالنسبة لي!!!
دلال و هي دموعها على خدها الشاحب: خليفة... احبك... احبك... احبك...خليفة.. تكفى.. لما اموت.. كمل حياتك..و عيشها... و تأكد...
خليفة حط يده على فمها... وهو يبجي مثل اليهال: حيااااااااتي!! كافي لا تعذبيني!! لا تقولين هذي الكلمة!! لا تيبين طاري الموت على لسانج!! انتي بتعيشين!! انا حاس انج بتعيشين!! لا.. انا متأكد!!!!!!
قام و ضم دلال.. وهو يبجي و دلال قاعدة تبجي.. و تسمع صوت دقات قلب خليفة.. الي تدق بعنف بصدره..... بيني و بينكم.. خليفة كان حاس انه بيفقد دلال.. حاس انه دلال راح تروح منه.. الدكتور على وصول.. يا ترا شراح يقول لهم؟؟؟؟
قطع عليهم.. صوت تلفون خليفة... المتصل كان خالد..
خليفة: هلا بو وليد!!
خالد: هلا فيك!! خليفة تكفا طمني.. شقال لكم الدكتور؟؟؟
خليفة: والله ليحين ما يه.. بس انا (والتفت على دلال) متفائل هالمرة..
خالد: ان شاء الله!!! مسكينة امي.. حالتها صايرة مأساة من المحاتاة..
خليفة: قول لخالتي ان شاء الله خير..
خالد: ان شاء الله... و الوالد توه متصل فينا من المانيا.. يقول الصفقة انجحت.. و هو واااااااايد متفائل و يقول حاس انه هاليوم راح يكون حلو عليه.. و علينا...
خليفة: الله يسمع منك يا خالد..
خالد: آآآمين.. تكفه خليفة طمني!! تدري انا ما اقدر اطلع من الشغل قبل الثلاث..
خليفة: ان شاء الله..
خالد: يلا مع السلامة
خليفة: في امان الله..

الدكتور عيسى الي يتابع حالة دلال كان عندهم بالغرفة.. و ملامح ويهه هادية و مرتاحة... نفس كل مرة.. خليفة ماسك يد دلال.. و قاعد يضغط عليها بقوة.. دلال قلبها يرررررررررقع... الدكتور معاه نتيجة التحاليل..و الفحوصات..
دكتور عيسى: الصراحة.. ما ادري شاقول لكم؟؟ و خصوصا في هذا المرض.. يرجع يطلع مرة ثانية... حتى لما نظن انه قضينا عليه.. بس..
خليفة: تكفه دكتور.. طمنه الله يطمنك!!
دكتور عيسى ابتسم: نتيجة التحاليل كانت باهرة!! الورم اختفى نهائيا.. و احنا كررنا التحليل أكثر من مرة!! عشان نتاكد.... نفس النتيجة!! دلال شفت!!!
خليفة و دلال مو قادرين يتكلون.. صاااااااااخين و يطالعون الدكتور.. الدكتور ضحك..
دكتور عيسى: ههههههه.. شفيكم؟؟ الحمد لله على السلامة يا دلال!!!
دلال بدت تبجي.. و خليفة بعد.. و قام ضمها بقووووووووووووووووة!! و هو يقول لها..
خليفة: سمعتي يا دلال؟؟ سمعتي؟؟؟ خلاص انتي شفيتي!!!
دلال: انا..انا............وعليه ضاعت منها الكلمات...
دكتور عيسى: و في خبر حلو ثاني..
خليفة: تكفه دكتور..لا تقوله.. قلبي بيوقف!!!!
دكتور عيسى: هههههههههههه!!! اسمعني... دلال خلال سنتين تقريبا.. بتكون قادرة انها تحمل و تييب عيال!!!
دلال هني صج بجت من قلب.. مو قادرة تصدق الكلام الي يقوله الدكتور... انها راح تصير ام.. و الموضوع ما يتعدى مسألة وقت!!! خليفة فرحااااااااااااااااااااااااااااااان.. يبي يناقز في الحجرة..يبي يطلع في الممر و يصارخ بقمة راسه!! الدنيا كلها مو واااااااااااسعته!!!
دكتور عيسى: الحين.. اقترح عليك يا خليفة.. انك تودي دلال..مصحة برا.. بلد هادي.. و جوه حلو.. تقعد جم شهر نقاهة.. وتريح جسمها من بعد العلاج الكيماوي و الاشعاعي.. و هذا الشي راح يكون وايد مفيد لها عشان تستعيد قوة جسمها و مناعته...
خليفة: دكتور لو المريخ!! بوديها!!!
دكتور عيسى: هههههههههههه!!
خليفة: دكتور تعرف مكان معين؟؟
دكتور عيسى: والله في مصحات ممتازة في سوريا و لبنان... و عندك بعد في لندن و فرنسا... و في سويسرا بعد.. جوف الي يناسبك.. ووديها.. بس احنا عندنا في المستشفى مالنا.. تعاقد مع احد المصحات الممتازة في لندن.. واحنا دايما نطرش لهم المرضى مالينا... و خصوصا انه يشتغل فيه.. دكاترة عرب.. احنا مطرشينهم من مستشفانا..
خليفة: خلاص الي تجوفه دكتور..
دكتورعيسى: خلاص.. راح نباشر الاجراءات من باجر.............


ام دلال ضامتها بقووووووووة و هي تبجي..
الام: الحمد لله!! الحمد لله يا رب!!!
دلال: ههههه! يمه فغصتيني!!!
الام هدت دلال شوي و هي مبتسمة...
الام: مو قادرة اصدق!! خلاص.. انتي شفيتي يا دلال!!!
دلال: الحمد لله!! هذا بفضل دعاويج يمه!!!
خالد: صليت ليل و نهار طول الثلاث سنين الي مضو عشان هذي اللحظة!!!
دلال لوت على اخوها...
خالد: ايه عليك خلود.. احلى اخو والله!!!
الام: انزين يمه.. و المصحة هذي.. بتطولين فيها؟؟ شكثر بتقعدين؟؟؟
دلال التفتت على خليفة: والله ما ادري!!
خليفة: مو أكثر من ثلاث اربع شهور... بس عشان تريح جسمها.. و نفسيتها..
الام: دلول يمه.. لازم تروحين؟؟؟ والله اني مو مرتاحة لهالسفرة!!
خالد يضحك: هههههههه!! يمه الله يهداج!! طوال الثلاث شنين .. كل ما تيي دلول تروح مكان.. تقولين لها .. قلبي مو مرتاح لهالسفرة!!!
الام: قلب الام بعد...
خليفة: لا خالتي لا تحاتين.. كلها جم شهر... و بنرجع انا و دلال... و بنعيش هني.. و بنترس لكم البيت أحفاد...
.. دلال نزلت راسها بحيا.. و قلبها بيطير من الفرحة... خالد شاق الحلج وهو يتخيل عيال اخته الشياطين.....الام دمعو عيونها.. بسرعة مشت دموعها... و ابتسمت...
الام: دلال.. لا تقولين بتسافرين قبل ما تجوفين ابوج؟؟
دلال: ليش انا اقدر؟؟ طبعا بنتظره..
الام: أي يمه.. اهو عقب باجر بيوصل...
خليفة: اصلا السفر ما راح يصير قبل اسبوع... عشان المستشفى يرتبون امورهم مع المصح في لندن..
خالد: وايد زين...
الام: انزين.. انا بروح اقول للخدم يجهزون العشا...
دلال: انا ابي اروح داري.. تعبانة شوي...
خليفة قلبه نقزة: خير حياتي.. شفيج؟؟؟
دلال: لا بس.. شوية ارهاق.. ابي انبطح على سريري...
خليفة: اوكي حياتي.. بوديج...
و قام سندها عشان توقف... و خالد يودها من الصوب الثاني... وودوها غرفتها.. الي وحشتها... صار لها شهور ما دخلت هالغرفة... وحشها سريرها و مكتبها... كل شي بالغرفة وحشها... خالد ياله تلفون فطلع برا... و دلال تمت مع خليفة بالغرفة...
دلال وهي منبطحة على السرير: خليفة..
خليفة: عيونه!!!
دلال: احبك!!!
و صكت دلال عينها.. و هي مبتسمة... قعد خليفة يمها.. يمسح على شعرها... وويها المسكينة شاحب من التعب... بس تنفسها هاااااادي و منتظم... و الابتسامة ما فارقت ويها... شوي شوي... غطت عين خليفة بعد... كان وايد تعبان و مرهق.... خالد طق الباب.. محد جاوبه... قام و فتح الباب بالعدال... شاف دلال و خليفة نااااااااايمين في سابع النوم.. جنهم يهال صغار... ابتسم... و طلع من الغرفة.. الا يجوف امه وراه...
الام: ها ناديتهم؟؟؟
خالد: يمه دلال و ريلها ارقدو...
الام: شنو؟؟
خالد ابتسم: شكلهم تعبانين.. يمه قلبي مو مطاوعني اقعدهم!!!
الام: خلاص.. خلهم يرتاحون......انا بروح اتصل في ابوك و اطمنه....


بعد اسبوع.. الساعة الحين سبع... دلال و خليفة بالطيارة... الي بتطير خلال دقايق... اما في بارك المطار.. فكانو اهل خليفة ابوه و امه و اخته و اخوه.... الي كانو موجودين عشان يودعونهم يركبون سيارتهم.. وهم يدعون لخليفة و مرته انهم يرجعون بالسلامة...... اما في صوب ثاني.. فكانو اهل دلول.. ابوها و امها و خالد قاعدين يركبون بسيارتهم...
ام فيصل: يمه دلال.. الله يوفقج.. وانا راضية عنج دنيا و آخرة!!!!
خالد قلبه نغزة لما دعت امه هالدعوة...
ابو فيصل: الله يوفقهم.. و يردهم لنا سالمين ان شاء الله!
خالد: آآآآآآآآمين!

اما في الطيارة.. فدلال كانت ماسكة يد خليفة...الي كان نايم... الطيارة الحين بالجو.. و اليتات كلها مطفية.. دلال ما قدرت تنام.. و مرت حياتها كلها جدام عيونها..ايام الثانوية.. رفيجاتها.. فجر وورد ووله و رناد و غيرهم.. تذكرت نورة.. تساءلت.. يا ترى شصار فيها؟؟؟ يه على بالها اخوها فيصل... و تذكرت احلى ايام وياه... و اخر شي.. فكرت في حنين... و سالت روحه: يا ترى شصار فيها؟؟؟ آخر شي تذكره... انه حنين سافرت على طول امريكا بحجة الدراسة... و في البداية كانت تتصل فيها.. و تقول لها آخر أخبارها.. و انها اول ما وصلت سوت عملية اجهاض... دلال كان قلبها وايد معورها على رفيجتها حنين.. والحالة المأساوية الي وصلت لها حنين.. حنين الي كانت اعقل وحده فيهم اهي و فجر... شلون انقلبت جذي.. وطلع منها كل هذا...كان السؤال يدور في راسها... يا ترى شصار فيها؟؟؟ هي صار لها اكثر من سنة ما تدري عنها شي.... ووحدة ثانية.. كانت دلال تتمنى انها تعرف شخبارها... وله... يا ترى وله وين الحين؟؟؟ و شصار فيها كل هالسنين؟؟؟ و هل ممكن تجوفها مرة ثانية في حياتها؟؟؟ دلال غطت عينها آخر شي.. و هي ليحين تفكر.. الشي الي أثر على أحلامها.. فشافت حلم طويييييييل.. شافت فيه كل الناس.. كل بنات الثانوية.. كل رفيجاتها.. شافت فيصل و فجر في الحلم... شافت كلمن.....

بعد ما رجعو من لندن بشهرين...
دلال وايد تعبانه.. و اهي الحين بالمستشفى.. و خالد و امها و ابوها... كانو عندها.. لانه دلال انتكست حالتها و رجعوها المستشفى....
خالد: ما تشوفين شر دلول...
دلال بتعب كبير: الشر ما اييك خالد...
دلال تبي تقول شي.. بس دار راسها و طاحت على ورا... خليفة بسرعة مسكها و سندها..
ام دلال: يمه سمله عليج!!!!
ابو دلال : بالعدال دلال .. يبه الكلام يتعبج.. مو زين لج!!!
دلال وايد تعبانه وويها شاحب... امها و ابوها و خالد راحو البيت... و لكن على الساعة 11 باليل..
دلال: خـ..خليفة.. تكفه.. دق على امي و ابوي.... و خالد...ابي.. اجوفهم.. و قول لخالد يكلم وله!!!!
خليفة الي ميت خوف عليها: انزين حياتي ان شاء الله الحين اكلمهم!!!
دلال: تكفه.. خليفة ( بدت تصيح) ابي اشوفهم قبل لا اموت!!!
خليفة: سمله عليج لا تقولين جذي!!!!
و في بيت وله الساعة تقريبا 12... وله مو قادرة تنام.. و تحس روحها

اعضااااااااء
تذكروون البارت الي مكتوب فيه الجزء مشفر؟؟

تر اهني مااتت فجر
كان ويا خويته ف الغرفة ناوين ع شي<<طبعا فهموتوو

اوو لما توهم بي....
طاحت فجر و ماتت بنوبة قلبيه
طلعت البنت تنادي امها و هي تصاارخ
دشت الام و جافتها في وضع مخل و ثياب .....
و هاي كانت نهايتها
سامحوني ع التشفير بس لانه حده قوي الموقف و ما اقدر اكتبه




و هاي اخر باااااااااارت

و في بيت وله الساعة تقريبا 12... وله مو قادرة تنام.. و تحس روحها ولهانة على دلال وايد..
بندر: ليحين تفكرين فيها؟؟
وله: أي..
بندر عصب: وله من صجج؟؟ ليكون بس حنيتي؟؟
وله منصدمة من كلام بندر: بندر انت شقاعد تقول؟؟؟؟؟؟؟؟؟؟
بندر: ولا شي.. بس.. يعني.. اخاف حنيتي لايام اول.. حنيتي للحب!!!
وله : بندر!!!!!
بندر: اقول يبه فكيني!! صكي اليت ابي انام!!
وله انقهرت من بندر.. اهو صار له فترة يعاملها معاملة غريبة.. شفيه؟؟؟
وله توها بتنام... الا يرن تلفونها.... قامت مفزوعة.. حتى بندر..
بندر: منو المتصل هالحزة؟؟
وله: الله يستر!!!
شالت وله التلفون... كانت حنين...
وله: الو؟؟
حنين: وله!! تعالي بسرعة!!! دلال تعبانة و تبي تجوفج!!! اهي بالمستشفى!!!
وله: شنوووووووووووو؟؟
حنين: تكفين بسرعة!!!
بندر: شالسالفة؟؟
وله و هي تصيح: دلال تعبانة وايد.. و ابي اروح لها!!!
بندر: من صجج بتطلعين هالحزة؟؟
وله: بندر شفيك؟؟ دلال تعبانة!!!ابي اجوفها!! اخاف ما الحق عليها!!!!
بندر: و منو دلال يعني؟؟
وله: انت ما في بقلبك رحمة؟؟
بندر: وله.. اذا طلعتي.. ما بترجعين!!!!
وله انقهرت من كلام بندر.. و زاد بجيها.... بس قامت و هي مو مفتكرة.... و راحت صوب المستشفى..... و هي تمشي سيارتها و تبجي.. و ليحين كلمات بندر.. تسمعها.. و ترن في اذنها... وله!! اذا طلعتي ما بترجعين!!! فاهمة؟؟؟ ركضت على الريسبشن تسأل عن غرفة دلال... اول ما راحت.... شافت وايد ناس متيمعين عند الباب... كل رفيجاتهم الي بالثنوي.. فجر و حنين و رناد وورد و كلهم.. البنات ما التفتو على وله.. و لا كانهم اعرفوها....... انصدمت من المنظر... فتحت الباب الي المفروض هو غرفة دلال... جافت ريال غريب لاوي على دلال.. استغربت منو هذا؟؟ و يا ترى شيصير حق دلال؟؟ ... جربت صوبهم... و نادت دلال بصوت واطي.... دلال ما ردت.... الريال التفت عليها ( الي اهو كان خليفة) و قال....
خليفة: دلال ماااااااااااااااااااااااااااااااتت!!!!
وله شهقت.. و طاحت على الارض.. مو قادرة توقف..... مو قادرة تستوعب الي صار!!!!







و قامت من نومها وهي تبجي... كانت فعلا دموعها على خدها... استغربت من الحلم... الي شافت فيه دلال.... و ظلت طول اليوم تفكر فيه...

بعد شهر.. في لندن...
دلال طلعت مع خليفة من المصحة عشان تغير جو شوي... دلال كانت تعبانة.. فكانت متسندة على خليفة..... وقف خليفة بدلال.. في البارك.. و بجانب بحيرة البط... الا ينتبهون حق ياهل صغير... كان حدددددددده كيوت... يجرب من البحيرة... دلال اول ما جافت الصبي... حست باحاس غريب...
الصبي: mumy!! Look!! Dukth(ducks)!!! Ith(is) dalola thleeping(sleeping)?? I wanna thaw(show) hel(her) the duckth!!!!!
دلال قعدت تضحك على الياهل هي و خليفة.. كان شكله كييييوت و ضروسه الي من جدام طايحين.. و كلامه ملخبط... فجأة تسمع دلال ام الياهل...
ام الياهل: طلال!!mumy!! تعال هني!!don't get very close to the water!!!
الصبي:dalolaaa!! Look at me!!!
دلال تفاجأت شوي.. لانه ام الياهل كانت تتكلم معاه عربي.. وانه اسمه طلال!!! و اخته دلولة!! يعني دلال!!! بسرعة ذكريات وايد قعدت تدور في راسها... قامت التفتت وراها عشان تجوف ام الياهل.... و....... ما ادري شلون اوصف لكم الي صار... الصراحة.. مو قادرة اعبر... بس بكل بساطة... كانت.... وله!!!!!!!!!!!!!!!!!!!!!!!!!!!!!!!!!!
وله بعدت ما ضمت دلال و قالت لها كلمة وحشتيني فوق المليون مرة..
وله: دلال واحشتني موووووووت!! ابي اقعد وياج و اسووووووولف!!! عندي وايد كلام ابي اقوله لج!!!
دلال: وانا اكثر!!!!
دلال: وله... هذا زوجي.. خليفة...
وله حست بفرحه ما تنوصف لما سمعت كلمة زوجي!! دلال تزوجت!! يعني دلال تغيرت!!! الحمد لله يا رب الحمد لله!!!!
وله: يا هلا والله خليفة!!
خليفة: هلا فيج ولـ.. ولا اقول ام طلال؟؟؟
وله: هههههه!! بتكبرني!!!
قامو يضحكون...
دلال: هذول عيالج ولوه؟؟؟
وله التفتت على طلال الي كان راكع على الارض يم الجاري مال اخته دلال.. و قاعد يلاعبها بكل حب.. بعكس كل الاطفال الي ممكن انهم يغيرون من خواتهم الاصغر...
وله: أي.. طلال و دلال!!!
دلال ابتسمت: الله يخليهم لج!!!
وله: سميتهم بهذي الاسماء.. عشان تظلين على طول وياي!! دلال عمرج ما رحتي عن بالي!! و لا للحظة وحدة!!!
دلال: ولا انتي وله!!! عمري ما نسيتج!!! و فكرت دوم فيج... اخت عزيزة و عمري ما نسيتها!!!!!
وله فرحااااااااااااااانة من الكلام الي تسمعه من دلال.. اخت عزيزة.. يعني طول الوقت الي مضى كانت دلال تفكر فيها.. بس كأخت...
خليفة..كان يطالعهم وهو مبتسم... دلال وايد كلمته عن وله (طبعا ما قالت له انها حبيبتها) و بعد وايد كانت تهذي باسمها ايام مرضها... فكان مستانس... اكثر منهم يمكن..لانه عارف انه هذا الشي.. يعني لدلال وايد...
خليفة: شرايج حياتي نرجع المصح الحين؟؟ عشان ترتاحين؟؟؟ احسج تعبتي.. و انتي وله.. تعالي ورانا... و قعدو سولفو لي الصبح....
وله: مصح شنو؟؟
دلال: خلاص الحين لما تيين اقولج السالفة كلها..
وله: اوكي خلاص.. بودي العيال البيت و بييكم...

و فعلا.. وله راحت البيت بسرعة.. عشان تلحقهم.. اما خليفة وياه دلال بالسيارة.. كانت وايد تعبانة.. وتحس بدوخة و لوعة.. خليفة ملاحظ انه دلال كانت تعبانة صار لها جم يوم....
خليفة: فيج شي حياتي؟؟
دلال: لا.. بس تعبانة شوي...و صكت عينها من التعب..
خليفة: يلا اكو وصلنا...
و نزلها خليفة من السيارة ووداها لحجرتها...
دلال وهي منبطحة على السرير و صاكة عيونها: خليفة وله يات؟؟؟
خليفة: لا لحين..
دلال: تعال يمي......
خليفة قعد يمها و مسك يدها... دلال حست براحة انه خليفة وياها.. قامت صكت عينها وقالت..
دلال: خليفة..
خليفة: عيونه!
دلال: اليوم.. صارو آخر شغلتين كان خاطري اسويهم... و انتظرتهم مدة طويلة..
خليفة: شنو اهما؟؟؟
دلال وهي ليحين صاكة عيونها: احبك!!!
وله بسيارتها.. تكلم بندر في التلفون....
وله: بندر مو قادرة اصدق الي يصير وياي!!! الحلم الي حلمته !!!
بندر: حياتي.. رب العالمين استجاب لدعائج!!!
وله فجأة صخخخخخخخت.. و بدت تصيح..
بندر: خير .. علامج وله؟؟
وله: بندر!! في الحلم دلال ماتت!!!
بندر:وه!! سمله عليها.. ولوه الا حلم!!! و تعالي.. في الحلم انا طلقتج!!! هههههههه !! الحلم دايمن يصير العكس.. لا تحاتين بعد قلبي!!!
وله: انا خايفة.. قلبي ناغزني!!
بندر: سمي بالرحمن و يلا روحيليها..و خلاص انا بخلص شغلي و ان شاء الله امركم.. ابي اتعرف على هالدلال!!!
وله: خلاص حبيبي ناطرينك!!!
صكت وله التلفون.. و بسرعة دخلت و توجهت لغرفة دلال... طقت الباب و دخلت.. جافت خليفة لاوي عليها...وكان... يبجي....وله انصدمت..
وله: خليفة؟؟؟ دلال ؟؟؟
ام دلال قحصت من نومها.. قلبها نقزها... ابو دلال التفتت عليها... قال لها.. دلال.... خالد حس بدوخة.... قلبه نقزه... دلال!!!...
في لندن..
خليفة رفع راسه و التفت عليها..و هو منتهي.. حالته مأساوية..
خليفة: دلال تقولج حليليها!!!
وله: شنو؟؟؟؟؟؟؟؟؟؟؟؟؟
خليفة: دلال.. راحت!!!!!!!!
وله: لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااا صرخة هزت كل المستشفى!!!!
-النهاية-

و ما بعد النهاية....................
دلال ماتت أي نعم.. بس قبل ما تموت.. قالت لخليفة.. انه اليوم صارو وياها شيئين كانت تنتظرهم من زمان... الاول... اكيد عرفتوه...انها تجوف وله.. بس الثاني...تدون شنو؟؟؟ دلال كانت حامل!!! أي نعم.. و هذي الشي الي كان متعبها... وهي كانت حاسة .. وكانت فرحااااااانة.. انه عاشت الشعور.. بس للاسف.. هذا الشي ما كان بالوقت الصحيح.. لانه حالتها كلش ما كانت تسمح لها بالحمل.. حتى الدكتور قال لخليفة.. انه ذي الشي نادر الحدوث.. و لو صار ما يدوم... بس الله اراد جذي... انه دلال.. تعيش التجربة.. لو جم يوم قبل لا تموت... مسكين خليفة... انتهى... زوجته..حبيبته... وولده... خسرهم بلحظة وحدة... وله... الي ليحين في كلام وايد تبي تقوله لدلال... اهل دلال الي ينتظرونها.. و ينتظرون رجعتها... بس.. تدرون من صج الي كسر خاطري... خالد.. الي خسر اخته و اخوه... وصار وحيد.... خالد نذر.. انه يسمي عياله... فيصل... و دلال.........................


وكااااااااااان الله غفوووووووووووووووورا رحييييييييييمااااااااا


اشرااااااااااايكم ف القصة
عاد انة ما قصرت ابي ردودكم

ولا يهمج عمري أكيد منرد عليج و اتشرف أكون أول وحدة ترد عليش

مشكووره زوزوD: قريتي القصه كاامله؟؟!

لا عمري بس أكيد بقراها علشانش

وااااااااااااااو قصة روووعة حدي اندمجت معاها

كلش ماتوقعت النهاية جذي بس حلوة :)

مشكووورة حبيبتي ع التعب

يسلمو ...


ولج تقيم +

والله قريتها